Archive for the ‘Viet Nam’ Category.

CS Reis – Hue, Viet Nam

saigonOpgeneem in die strate van Viet Nam op 22 Desember 2009.

Saigon

Dis seker onregverdig om Saigon met Ha Noi te vergelyk, maar tog moet ons – dit is immers die twee hoofstede van Viet Nam! en enigeen wat in Viet Nam was sal sonder aarseling kan se watter stad die laaste aan hulle hart le. Vir my was dit Ha Noi, maar ek het reeds genoeg daaroor gepraat.

Saigon is modern, groot en neonbelig. In die aand is daar meer liggies aan die bome  en oor die strate as wat ek in Jhb van ouds of selfs New York met Kersfees gesien het. En deesdae is dit LEDs wat in massas gehang word en ‘n skouspel van feestelikheid afgee. Eers dan verstaan jy waarop sinspeel ” One Night in Saigon” .

Maar daar is ook ‘n minder feestelike kant van Saigon. Die War Remnants Museum se uitstalling skok jou tot in jou diepste wese as jy eerstehandse vertellings lees van Vietnamese oorlogslagoffers. Die statistieke van verwoesting wat Agent Orange oor die hele land gesaai het, sink nie dadelik in nie, maar as dit doen, is dit verbysterend. As jy oorlog souvenirs jou ding is, het jy by die regte plekke aangekom. Hier kan jy dog tags en gegraveerde Zippo lighters met gesegdes soos ” we make war today so that our children can have peace tomorrow” .

NHA TRANG

Die vakansiestad van die locals. Ons het die oggend in die modderbaddeens gespandeer gekombineer met ‘n mineraalbad en ‘n massage. Die mark in Nha Trang is sekerlik een van die beter georganiseerdes.

HON ONG

Ook bekend as Walviseiland, maar die walvisse is baie lanklaas langs hierdie kuslyn gewaar. Dit het ‘n volle 11 ure per bus geneem om hier te kom en daarna nog 30 minute per boot na die eiland. Hier is geen besienswaardighede nie, net see strand en son.
Die toergroep het n secret Santa gereël vir Kersdag. Elke ou het ‘n naam uit die hoed getrek vir n geheime kersgesenk. My geskenk was 2 Vietnamese houtskool skilderye.
Die snorkel uitstappie was minder opwindend. Die boot het ‘n uur uitgevaar na die koraalriwwe vir 30 minute se snorkel. Baie mooi koraalriwwe, maar amper geen visse nie.
Môre gaan ons aan na Saigon en miskien sien ons die Cu Chi tonnels.

HOI AN

Danksy UNESCO se verklaring van Hoi An tot ‘n wereld kulturele erfenisgebied, is daar genoeg fondse beskikbaar gemaak om die oorlogskade amper volkome te herstel. Dit is ook die sy en kleremaak hoofstad van Viet Nam waar jy letterlik dieselfde dag n stel klere kan laat maak. En in tipies Oosterse styl is die mees onlangse katalogusse van die vernaamste Europese modehuise byderhand om jou te help in jou keuse van n snit.
Hoi An is ook die plek om jou aandenkings by te koop. Jy kan kies tussen chopsticks stelle, hout besigheidskaartjie houers, T hemde, skilderye en nog meer. Die plaaslike Hoërskool is bekend omdat Ho Cho Min (die Vietnames volksheld) daar skoolgegaan het.
Dit is nie die moeite werd om die 5 site ticket te koop nie. Die kans dat jy meer as 2 of 3 sites gaan besoek is maar skraal. Wat jy eerder kan doen is om ‘n fiets of skoeter rit te neem na die nabygeleë strand. Mens moet dit ervaar om self deel wees van die Vietrnamese verkeer op straat, onthou net om so naastenby aan die regterkant van die pad te hou.

Hûe

Die pols van Viet Nam se imperiale hoofstad klop stadiger as Hanoi. Om hier te kom het ons die Reunification Express trein se slaapwa geneem. Die karakters in my Stephen King audiobook het oor die loop van die 6 ure wat ek geluister het, al meer in die knyp gekom. Teen 4 uur die oggend was dit egter tyd om hulle n ruskans te gee terwyl ek verlore slaap probeer inhaal het.
Hue het erg deuregeloop in die Amerikaanse oorlog, maar die afgelope paar dekades het UNESCO en ander internasionale organisasies baie geld hier ingesit om die Citadel en ander historiese plekke te restoreer. Dis hartseer as mens sien hoe n oorlog n land se historiese naletenskap kan vernietig.
In die dorp self is n besoek aan Phom Ngu Lao straat n moet. Ons whet daarop afgekom met ons besoek aan La Carambole restaurant (hoogs aanbevole). Terwyl Ane in Hue Silk n paar uitrustings uitgesoek het, whet ek alleen in die straat afgedwaal en nie minder nie as 3 aanbiedings van dames van die nag se pimps te beurt geval. n Kerel op n skoeter whet n girl se boud gegryp en daar is vir my mariuana aangebied.
Hue se swak punt is die weer. Dis nat en koud. Maar afgesien daarvan n baie gesillige plek om rond te loop.

Hanoi – weer eens

Die drie verrassings van Hanoi:
1.Santa Clause is n Super Hero en die ma s en pa s trek hulle kindertjies aan in Santa Clause klere voor hulle vir die Sunday ride gaan op hulle skoeters.
2.Honde is troeteldiere en word nie op hulle daily walks deur die Chef s Society opgetel vir vanaand se aandete nie.
3.Jy kan geblinddoek oor die straat stap en niemand gaan jou raakry nie, almal sal rondom jou ry (terwyl jy stap).

En Saterdag is Troudag. Ons het rondom Hoan Kiem se meer ten minste 3 troupaartjies gesien fotos neem. Blykbaar is daar sekere tye van die maand wanneer dit gelukkig geag word om te trou, die dat hulle op dieselfde dag in hulle cream rokkies en swart pakke vir fotos poseer.

My beste souvenir kopie was na n verkeerde draai in die skoeter werkswinkel distrik, rye en rye motorfietshelms om van te kies. Natuurlik het die Private Ryan helm (soos Ane dit gedoop het) my oog dadelik gevang. Die transaksie is beklink (sonder afslag, dis n working model) en nou deel hy die onderste kompartement van die backpack met die slaapsak.

HANOI

Ons word nie meer baie vir ‘n ride gevat nie, maar gister op die lughawe was dit nou letterlik en figuurlik ons beurt gewees. Die vasgestelde taxi prys na die stad is USD15, maar ons taxi sit toe sy meter aan en ons moes USD50 opdok. Om belediging by die besering te voeg laai hy ons 3 blokke van die hotel af. Agterna vind ons uit hoekom, die hotelportiere vat nie nonsens van taxis nie.

Hanoi se strate is oorweldigend, nog nooit het ek so baie skoeters en so min padtekens of robotte gesien nie. Die verkeer vloei onophoudelik, en as jy n straat wil oorsteek, loop jy eenvoudig net oor. Al die skoeters en karre ry net stadiger en rondom jou. Moet net nie in die middel van die straat stop nie, dan is daar chaos…

Al ons hotelle het blykbaar internet (en dis gratis) dus behoort ek gereeld ietsie te kan update. Behalwe môre-oggend. Vanaand 11 uur klim ons op die Reunification Express vir n 12 uur rit na Hue. En ons is gewaarsku om maar die slaapsakke te gebruik.