Archive for the ‘Anyway’ Category.

Inge & Etienne Potgooi

Op 5 jaar oud doen Inge alles in vywe, so ook vanaand se potgooi, daar moes opsluit 5 wees. Hier is hulle. Ek herken talent as ek dit hoor…

Potgooi 1

Potgooi 2

Potgooi 3

Potgooi 4

Potgooi 5

IMG_3558

Waar was ek?

Die WordPress SQL databasis het gecrash in Oktober 2015.

Vandag en gister se restore pogings (nie die eerstes nie) het vrugte afgewerp.

Cybersakkie is weer up & running, maar die laaste backup was ongelukkig Junie 2015.

 

Mojo (R.I.P.)

Dear Mrs Gibbs,

I am still at a loss of words to console you for the loss of Mojo, your Yorkie, who was run over this morning by an unknown driver. The vet’s receptionist told you he is in a better place now. I wish it was true. He would rather have been with you. But sometimes bad things happen to good people, and in one unguarded moment our beloved pet is taken away from us.

It would have been 2 years to the day this Wednesday morning since our Airedale, Mathilda, laid her head down for the last time. We had too much time to say good bye. She suffered for 3 months from liver cancer before giving up the fight.

You had only a few minutes to say good bye to Mojo while we raced to the vet. Always remember that he heard you this morning in the car and he knew you were trying to save him.

Both of us cried for Mojo. I know that, as with my Mathilda, there will be many small reminders of him in the months to come. Remember him for the character that he was. It will be hard, but try not to blame yourself for the recklessness of the unknown driver.

A dog lover.

Inge en die skaap

Die Gautrain van Rosebank na Hatfield

Die langverwagte Gautrain lyn van Rosebank na Hatfield het die afgelope Dinsdag, 2 Augusus 2011, oopgemaak en natuurlik kon ons nie wag om saam met die hordes locals te gaan treinry nie. So vanoggend 11 uur het ons Inge in die kar gelaai, Pablo en Galina gegroet, en die pad gevat na Rosebank stasie.

Tussen my en Ané het ons nou al ‘n hele paar ritte op die lughawe link agter die blad en die ervaring was baie bekend, maar nog steeds opwindend, want ons het jare hiervoor gewag. Ek het 6 jaar gelede in Rosebank gewerk toe ons blaadjies by die kantoor gekry het met inligting oor paaie wat gesluit gaan word om die treintonnel en stasies te bou. En nou is dit hier. Te goed om waar te wees.

Nou ja, vir die wat wonder oor treinry of nie, hier is die rundown. Jy koop jou goue kaart vir R10 of gebruik die een waarmee jy lughawe toe gegaan het van Sandton af. Dan swipe jy jou kaart by die parkade ingang – as jy treinry kos parkering R10 in plaas van R80. Die Rosebank stasie is klein met net 2 masjiene om te herlaai, dis nou behalwe die kaartjietoonbank waar iemand dit vir jou sal doen. Oor naweke is daar elke halfuur ‘n trein, maar in die week meer gereeld, ek dink omtrent elke 12 minute.

Die rit Hatfield toe kos R46 met ‘n single pass, afslag vir die wat 7 dag of 35 dag ritte koop. Ons moes met die gaan oorklim op ‘n ander trein by Sandton stasie, maar met die terugkom was dit dieselfde trein heelpad.

Die liggings van Rosebank en Hatfield stasies is vir my beter as Sandton stasie. In Sandton moet jy nogals ver stap om by die middedorp te kom, maar in Rosebank is die stasie reg oorkant die Zone shoppoing centre en in Hatfield is dit ‘n blok se stap van die middedorp af. Ons het ook verby Midrand, Centurion en Pretoria stasies gery en dit lyk of daardie drie stasies ook nogals ‘n hele ent se stap van die sakesentrum af kan wees. Hou maar in gedagte dat al die Gautrain stasies busse het wat jou verder vat, in Rosebank kan jy byvoorbeeld ‘n bus vat na Hyde Park of Melrose Arch se sshopping centres. Die busdiens ry egter slegs weeksdae, moet dus nie jouself op ‘n naweek die moeite doen om te wag vir die bus wat nie gaan kom nie.

Is dit ‘n ekonomiese alternatief? Definitief. Johannesburg na Pretoria retoer is 130km wat met my 2L outomatiese Suzuki op meer as R130 gaan uitwerk net vir petrol, teenoor die R46 x2 + R10 parkering = R102. Die gerief is prysloos, 37 minute op ‘n trein in plaas van 1-2 uur in jou kar in die verkeer. En daar was heelpad ordentlike 3G vir internet op die iPad. Die tyd wat die trein ondergronds ry sonder 3G is minimaal.

Daar is net een ding wat my nog steeds pla. As jy jou kaart geswipe het, mag jy nie verder eet of drink op die stasies en die treine nie, of jy kry ‘n R700 boete. En wat is nou lekkerder as ‘n ou wegneemkoffietjie terwyl jy vir die trein wag?

Welkom in die wêreld Inge

Die groot swart hond

Dinsdagaand vlieg ek Kaap toe om die groot swart hond te gaan haal. Galina, die Black Russian Terrier, gaan in minder as ‘n maand se tyd deel word van Japsnoet se gesin. Ons het altwee (ek en Ane) grootgeword in hondegesinne. My eerste herinneringe was van Bruno, ook ‘n groot swart hond, Ane s’n was van Brakkies en Rusty, die Spaniels. Japsnoet s’n gaan wees van Pablo en Galina, die Airedale en die Russian Terrier.

R.I.P.

Mathilda (2003-2010)

Veilig bestuur

Ons glo aan veilige bestuursgewoontes

Pablo

Die Kelder

My tuisteater is in die kelder van ons huis. Daar het ek ‘n 100″ projektorskerm waar ons vir 3 jaar lank by die huis gefliek het. In Januarie 2010 het die ramp gebeur. ‘n Besonder vrygewige reënseisoen het die grondwatervlak laat styg en die tuisteater het oornag in ‘n jacuzzi verander. Toe onder ‘n meter se water. Die enigste direkte skade was die mat, gelukkig kon ek betyds al die elektroniese toerusting uithaal. Maar ons moes ‘n langtermynoplossing vind om ‘n herhaling te voorkom.

Die ingenieurs het aanbeveel dat ons ‘n drein onder die keldervloer installeer wat uitloop in ‘n mangat (man hole) met ‘n dompelpomp wat die water uitpomp sodra dit weer begin styg. Na verskeie kwotasies het die keuse op Flick geval om die nodige werk te doen. By aanvaarding van hulle kwotasie het hulle ons egter in kennis gestel dat ons te “demanding” is en hulle stel nie meer belang in die kontrak nie.

Die tweede rondte kwotasies het ‘n aanvang geneem en ons het besluit op JKJ Pumps. Hulle kwotasie was in elke geval 3 keer  (ja, jy het reg gelees) minder as die van Flick. Teen die einde van September het hulle in die tuin begin grawe aan die mangat, wat uiteindelik 4 meter diep sou word, en hulle het water gevind. Die tweede fase was om deur die betonvloer van die kelder te breek om die drein te bou. En laastens het hulle die outomatiese  dompelpomp  geïnstalleer met ‘n dreineringspyp wat straat toe gaan.

Dit het bietjie gevoel na ‘n “overkill” projek, maar die werk was skaars klaar die afgelope Dinsdag, toe begin die reënseisoen in alle erns.

En skielik was dit nie meer overkill nie. Die grondwatervlak het weer begin styg en die dompelpomp het dadelik aan die werk gespring en begin water uitpomp. En ons het baie goed gevoel oor die projek. Dit was nie overkill nie. Johannesburg se watervlak het nie gedaal nie. Dit was ‘n sluimerende krisis wat gewag het om te herhaal. Dus, Baie dankie aan Lai, Eric en hulle spanne werkers wat vir ons gemoedsrus gegee het om ‘n nuwe jaar van fliek in die tuisteater moontlik te maak. En die dompelpomp is geruisloos. Soos in absoluut stil.

Nou moet ons uitverf en matte insit. Ek gaan sommer ‘n BluRay player aanskaf om die tuisteater weer in te wy.